RBK Signature картасы бойынша кешбэктер туралы толығырақ ақпарат

Бұл мақала 2026 жылдың 6 мамырында жаңартылды.

2026 жылғы 1 мамырдан бастап кешбэк есептеу шарттары өзгерді:

Бұрын кешбэк пайызы карта түріне де, шот теңгеріміндегі күнделікті қалдыққа да байланысты болатын. Қазір ережелер өзгерді — енді картаңыз премиум болса да, болмаса да, пайызды санау үщін тек күнделікті қалдық есепке алынады.

1 000 000₸-ден басталатын Safe / Grant депозиті болса, кешбэгіңізге +1% қосылады.

Кешбэк лимиті карта түріне байланысты: 30 000₸-ден (Gold/Virtuon) 100 000₸-ге (Infinite) дейін. Бір транзакция үшін кешбэк көлеміне шектеу жоқ.

2026 жылғы 1 мамырдан бастап кешбэк жеке шотқа түседі. Кешбэкті айдың соңғы жұмыс күні шығарып алуға болады.

Барлық өзгерістермен сілтеме арқылы толығырақ танысуға болады.

Барлық төлемдерге 8% кешбэкті қалай алуға болады? (интернетте де, POS-терминалдарда да)

Мысалы, сізде қызмет көрсетуі тегін Virtuon виртуалды картасы ашылған делік. Онда 1 млн ₸ күнделікті қалдық болса, барлық сатып алуларға 7% кешбэгіңіз болады. Ал егер 1 млн ₸ сомасынан басталатын депозитіңіз болса, кешбэк 8%-ға жетеді. Бұл карта бойынша айлық кешбэк шегі – 30 000₸. Картаға шолуымыз.

RBK Virtuon — 8%-ға дейін кешбэк алу мүмкіндігі бар тегін карта.
Картаға біздің шолуымыз.

Тағы бір мысал – RBK Signature картасы. Бұл қызмет көрсетуі ақылы (айына 1990₸) премиалды карта. Бірақ ай сайын осы картамен 350 000₸-ден жоғары төлем жасасаңыз, қызмет көрсету тегін болады. Сондай-ақ, My RBK қосымшасында картаның виртуалды түрін ашуға тегін болады. Пластикалық картаға тапсырыс беру 2990₸ тұрады.

8% кешбэк алу шарттары өзгеріссіз – карта шотында 1 млн ₸-ден басталатын қалдық және 1 млн ₸-ден басталатын депозиттің болуы қажет.

Бірақ бұл жерде кешбэк шегі екі есе жоғары – 60 000₸. Сондай-ақ, біз осы жерде айтып өткен VISA-ның барлық премиум артықшылықтары қосылады.

RBK Signature картасын ашқан кезде бірінші айдың қызмет ақысы алынады, бірақ қолма-қол ақшасыз төлем шарттары орындалса (350 000₸-ден жоғары), келесі айдың басында ол комиссия қайтарылады. Міндетті түрде виртуалды картаны ашу керек, оны My RBK қосымшасында тегін рәсімдеуге болады. Ал «пластик» картаға тапсырыс беру – ақылы.

Яғни: RBK Signature картасын белсенді қолдансаңыз — қызмет көрсету үшін ақы төлемейсіз, оған қоса 8%-ға дейін кешбэк аласыз. Біздің ойымызша, бұл өте тиімді нұсқа.

Тағы RBK Infinite премиум картасы бар. Ол бойынша айлық кешбэк шегі — 100 000₸ және кез келген банкоматтан айына 5 млн ₸-ге дейін қолма-қол ақшаны тегін алуға болады. Ал айына 550 000₸-ден жоғары сатып алу жасасаңыз, әуежайлардың бизнес-залдарына шектеусіз кіру мүмкіндігі ашылады.

8% кешбэк алу шарттары барлық карталар үшін бірдей: карта шотында кемінде 1 млн ₸ қалдық және 1 млн ₸-тен жоғары депозиттіңіз болуы қажет. Карта ақылы — айына 10 000₸, бірақ егер сізде 20 млн ₸ сомасынан басталатын депозитіңіз болса, оны тегін қолдануға болады.

Business Lounge-ға кіру бойынша толық нұсқаулық осы жерде.
VISA премиум карталарының басқа да артықшылықтары туралы мына жазбадан оқи аласыздар.

Барлық карталарға ашқаннан кейін Sarqyt бағдарламасын қосу керек.

Бұл банктің кешбэк-бағдарламасы. Егер сіз картаны жаңадан ашсаңыз, Sarqyt-ты қосып, қажетті соманы салыңыз да, келесі күннің 00:00-не дейін күтіңіз. Содан кейін кешбэк пайызы салған сомаңызға қарай өседі.

Егер сізде Sarqyt бұрын басқа RBK картасына қосылған болса, оны негізгі қолданатын картаға ауыстыру керек. Бұл банк қосымшасында жасалады.

Карталарды My RBK қосымшасында ашуға болады.

2026-01-20 23:37